കര്‍ഷകരുടെ പഞ്ച ദി സത്യഗ്രഹത്തിന്റെ കാക്കനാടു് വേദി ഉല്‍ഘാടനം ചെയ്യവെ, ഭൂമാഫിയ വിളയാട്ടങ്ങളാണു് കൃഷി അസാദ്ധ്യമാക്കുന്നതിലെ പ്രധാനപ്പെട്ട ഒരു ഘടകമെന്നു് സ. ഗോവിന്ദന്‍ മാസ്റ്റര്‍ സൂചിപ്പിച്ചു. കേരള സംസ്ഥാനത്തു് എറണാകുളത്താണു് ഭൂ മാഫിയ പ്രവര്‍ത്തനം ഏറ്റവും വലിയ തോതില്‍ നടക്കുന്നതു്. പെരുമ്പാവൂരില്‍ 46 ഏക്കര്‍ പാടമാണു് മണ്ണിട്ടു് നികത്തിക്കൊണ്ടിരിക്കുന്നതു്. ഈ കര്‍ഷക സമരം കഴിഞ്ഞാല്‍ അടുത്ത ദിവസങ്ങളില്‍ തന്നെ ഈ ഭൂവിനിയോഗ മാറ്റം തടയാന്‍ കര്‍ഷകരും കര്‍ഷക തൊഴിലാളികളും സംയുക്തമായി അങ്ങോട്ടു് മാര്‍ച്ചു് ചെയ്യുമെന്നു് അദ്ദേഹം പ്രഖ്യാപിച്ചു. സമര സഖാക്കള്‍ ഈ പ്രഖ്യാപനം ഹര്‍ഷാരവങ്ങളോടെ സ്വീകരിച്ചു.
No comments:
Post a Comment